GOC yn dileu optometrydd o Huddersfield oddi ar y gofrestr

Mae’r Cyngor Optegol Cyffredinol (GOC), rheolydd y DU ar gyfer optometryddion ac optegwyr dosbarthu, wedi penderfynu dileu Yaqut Khan, optometrydd sydd wedi’i leoli yn Huddersfield, o’i gofrestr. 

Canfu un o Bwyllgorau Addasrwydd i Ymarfer y GOC fod ei addasrwydd i ymarfer wedi’i amharu oherwydd camymddwyn. Mae hyn yn ymwneud â methu â darparu safonau gofal digonol i gleifion lluosog, gan gynnwys methu â chynnal profion yn ddigonol, yn ogystal â diwygio cofnodion cleifion yn amhriodol. Canfu'r Pwyllgor fod ei weithredoedd yn anonest.

Mae gan Mr Khan hyd at 31 Mai 2024 i apelio yn erbyn ei ddileu, ac yn ystod y cyfnod hwnnw caiff ei wahardd o'r gofrestr o dan orchymyn atal dros dro ar unwaith.