Safonau ar gyfer Myfyrwyr Optegol

18.1 Byddwch yn agored ac yn onest gyda’ch cleifion pan fyddwch wedi nodi bod pethau wedi mynd o chwith gyda’u triniaeth neu ofal sydd wedi arwain at niwed neu drallod iddynt neu lle gallai fod goblygiadau ar gyfer gofal claf yn y dyfodol, gan geisio cyngor gan eich tiwtor neu oruchwyliwr ar sut i symud ymlaen. Byddant yn cynghori a oes angen cymryd camau pellach megis:

18.1.1 Dweud wrth y claf (neu, lle bo'n briodol, eiriolwr, gofalwr neu deulu'r claf) bod rhywbeth wedi mynd o'i le.

18.1.2 Cynnig ymddiheuriad.

18.1.3 Cynnig rhwymedi neu gefnogaeth briodol i unioni materion (os yn bosibl).

18.1.4 Esbonio'n llawn ac yn brydlon beth sydd wedi digwydd a'r effeithiau tymor byr a thymor hir tebygol.

18.1.5 Amlinellu'r hyn y byddwch yn ei wneud, lle bo'n bosibl, i atal hyn rhag digwydd eto a gwella gofal cleifion yn y dyfodol.

18.2 Byddwch yn agored ac yn onest gyda'ch goruchwyliwr neu ddarparwr hyfforddiant a chymryd rhan mewn adolygiadau ac ymchwiliadau pan ofynnir amdanynt a chyda'r Cyngor Optegol Cyffredinol, gan godi pryderon lle bo'n briodol. Cefnogwch ac anogwch eich cyfoedion i fod yn agored ac yn onest, a pheidio ag atal rhywun rhag codi pryderon.

18.3 Sicrhau pan aiff pethau o chwith, eich bod yn myfyrio ar yr hyn a ddigwyddodd ac yn defnyddio’r profiad i wella.