Safonau ar gyfer Myfyrwyr Optegol

12.1 Parchu urddas claf, gan ddangos cwrteisi ac ystyriaeth.

12.2 Hyrwyddo cydraddoldeb, gwerthfawrogi amrywiaeth a bod yn gynhwysol yn eich holl ymwneud â chleifion, y cyhoedd, cydweithwyr, ac eraill y mae gennych berthynas broffesiynol â nhw. Peidiwch â gwahaniaethu ar sail nodweddion a nodir mewn deddfwriaeth cydraddoldeb berthnasol.

12.3 Sicrhau nad yw eich credoau a'ch gwerthoedd crefyddol, moesol, gwleidyddol neu bersonol yn rhagfarnu gofal cleifion. Os bydd y rhain yn eich atal rhag darparu gwasanaeth, sicrhewch eich bod yn ymgynghori â'ch tiwtor, goruchwyliwr neu ddarparwr hyfforddiant i wneud trefniadau eraill.

12.4 Parchu sgiliau a chyfraniadau cyfoedion a chydweithwyr, ac ymatal rhag gwneud sylwadau diangen neu ddirmygus am eich cyfoedion, tiwtoriaid, goruchwylwyr, darparwr hyfforddiant neu gydweithwyr eraill, a allai wneud claf yn amau ei gymhwysedd, ei sgiliau neu ei addasrwydd i ymarfer. Mae hyn yn berthnasol i gyfathrebiadau cyhoeddus, preifat ac ar-lein. Os oes gennych bryderon am addasrwydd cydweithiwr i ymarfer neu berfformiad eich darparwr hyfforddiant neu leoliad, yna cyfeiriwch at safon 10.

12.5 Ystyried ac ymateb i anghenion cleifion ag anabledd, a chleifion mewn amgylchiadau bregus, a gwneud addasiadau rhesymol i’ch ymarfer i ddarparu ar gyfer y rhain a gwella mynediad at ofal optegol.

12.6 Heriwch eich cyfoedion os yw eu hymddygiad yn wahaniaethol a byddwch yn barod i adrodd am ymddygiad sy'n gyfystyr â cham-drin neu wadu hawliau claf neu gydweithiwr neu ddiogelwch claf.