3.3 Mae'r staff yn cael eu goruchwylio a'u cefnogi'n ddigonol

Pam fod angen y safon hon?

Mae gan fusnesau optegol gyfrifoldeb i sicrhau bod staff yn cael eu goruchwylio’n ddigonol, lle bo’n briodol, ac mae gan staff rôl allweddol i’w chwarae yn y gwaith o oruchwylio myfyrwyr cyn-gofrestru yn ffurfiol fel rhan o’r llwybr addysg. Mae’n bwysig gwneud yn siŵr bod yr holl staff – wedi’u rheoleiddio ai peidio – yn cael mynediad at yr oruchwyliaeth a’r cymorth sydd eu hangen arnynt i ddarparu gofal da i gleifion. Mae’r safonau ar gyfer trefniadau goruchwylio a dirprwyo wedi’u nodi yn Safon 9 y Safonau Ymarfer ar gyfer Optometryddion ac Optegwyr Cyflenwi. Mae polisi goruchwylio'r GOC ar gyfer myfyrwyr cyn-gofrestru wedi'i nodi yn llawlyfrau sicrhau ansawdd y GOC. I gyflawni hyn, mae eich busnes:

3.3.1 Yn sicrhau mai dim ond staff sydd â lefelau digonol o gymhwyster a phrofiad sy'n gweithredu fel goruchwylwyr, ac yn ei gwneud yn ofynnol iddynt fod mewn sefyllfa i oruchwylio'r gwaith a wneir ac yn barod i ymyrryd os oes angen i amddiffyn cleifion.

3.3.2 Yn sicrhau bod pob aelod o staff sy'n ymwneud â dirprwyo a goruchwylio tasgau clinigol yn ymwybodol pwy sy'n cadw cyfrifoldeb clinigol cyffredinol am y claf.

3.3.3 Yn monitro cynnydd staff newydd wrth gyflawni gofynion eu rôl.

3.3.4 Mae ganddo systemau priodol ar waith i fynd i'r afael â pherfformiad clinigol a phroffesiynol gwael a'i reoli.

3.3.5 Yn sicrhau bod gan fyfyrwyr amser wedi'i ddiogelu ar gyfer dysgu dan oruchwyliaeth, lle mae'r busnes wedi ymrwymo i gytundeb i ddarparu hyfforddiant clinigol mewn ymarfer fel rhan o'r llwybr addysg.

3.3.6 Yn rhoi gwybodaeth i fyfyrwyr ynghylch pwy i siarad ag ef yn yr ymarfer os oes ganddynt broblem neu ymholiad.

3.3.7 Darparu cefnogaeth i staff sydd wedi profi gwahaniaethu, bwlio neu aflonyddu yn y gweithle.