Uwch Dîm Rheoli

Cyn hynny, roedd Leonie yn Gyfarwyddwr Addysg y Cyngor Fferyllol Cyffredinol ac mae wedi gwasanaethu ar fyrddau a phwyllgorau amrywiol elusennau a chyrff cyhoeddus yn y sectorau addysg ac iechyd a'r diwydiant adeiladu, gan gynnwys Panel Achredu'r Cyngor Fferyllol Cyffredinol, Pwyllgor Cymwysterau'r Sefydliad Siartredig Gweithredwyr Cyfreithiol, Panel Rhagoriaeth Addysgu'r Swyddfa i Fyfyrwyr, fel cyfarwyddwr anweithredol RIBA Enterprises Ltd, Cadeirydd yr Ymddiriedolwyr, Cronfa Addysg RIBA, ac fel cynrychiolydd y cyflogwr ar gyfer Datganiad Meincnod Pwnc yr Asiantaeth Sicrhau Ansawdd 2016 ar gyfer Amaethyddiaeth, Garddwriaeth, Coedwigaeth, Bwyd, Maeth a Gwyddorau Defnyddwyr. Ar hyn o bryd mae hi'n eistedd ar Banel Ymgynghorol y DU ar gyfer Pwerau Dyfarnu Graddau'r Asiantaeth Sicrhau Ansawdd. Yn bensaer wrth ei hyfforddiant, bu'n gweithio mewn practis preifat yn Llundain yn dylunio tai cymdeithasol a phreifat. 

Mae Carole yn arwain cyfarwyddiaeth fwyaf y sefydliad sy'n ymgorffori addasrwydd i ymarfer (FtP), gan gynnwys blaenoriaethu, ymchwiliadau, gorchmynion dros dro, datblygu achosion a gwrandawiadau, yn ogystal â thîm cyfreithiol mewnol arbenigol y GOC.

Mae gan Carole gyfoeth o brofiad mewn rolau uwch ar draws rheoleiddio iechyd, datrys cwynion, sefydliadau proffesiynol ac elusennau. Cyn ymuno â'r GOC fel Cyfarwyddwr Gweithrediadau Rheoleiddio Dros Dro ym mis Hydref 2023, hi oedd Cyfarwyddwr Addasrwydd i Ymarfer yn y Cyngor Fferyllol Cyffredinol lle arweiniodd strategaeth gyntaf y sefydliad ar gyfer rheoli pryderon am weithwyr fferyllol proffesiynol yn ogystal â rhaglen wella helaeth i fodloni Safonau Rheoleiddio Da y PSA. Cyn hynny, roedd hi'n Rheolwr Ombwdsmon ar gyfer Gwasanaeth yr Ombwdsmon Ariannol, roedd ganddi rolau Cyfarwyddwr Gwaith Achos yn Ombwdsmon y Senedd a'r Gwasanaeth Iechyd ac roedd yn Gyfarwyddwr Rhanbarthol yn y Comisiwn Cyfranogiad Cleifion a'r Cyhoedd mewn Iechyd. 

Mae Steve yn gyfrifol am y swyddogaethau Addysg, Polisi, Safonau a Chyfathrebu ac Ymgysylltu. 

Mae gan Steve gyfoeth o brofiad ym maes polisi defnyddwyr a rheoleiddio, ar ôl gweithio fel Pennaeth, Datblygu Polisi ac Ymchwil yn y Bwrdd Gwasanaethau Cyfreithiol – rheoleiddiwr goruchwylio'r proffesiwn cyfreithiol yng Nghymru a Lloegr – a sefydlu'r Panel Defnyddwyr Gwasanaethau Cyfreithiol, a arweiniodd am bum mlynedd. 

Roedd Steve gynt yn Bennaeth Marchnadoedd Teg gyda Consumer Focus lle bu'n rheoli tîm polisi a materion cyhoeddus gan weithio ar ystod eang o faterion gan gynnwys gwasanaethau ariannol, yr economi ddigidol, cyfraith defnyddwyr, unioni a gorfodi.

 Mae Philipsia yn darparu arweinyddiaeth broffesiynol i'n tîm Pobl a Diwylliant a'n Huned Cyflawni Prosiectau, canolfan ragoriaeth mewn cyflawni prosiectau, yn ogystal â datblygu swyddogaeth gwelliant parhaus ar draws y sefydliad.

Mae ganddi brofiad helaeth o arwain cyflawniad newid sefydliadol o fewn y GIG a'r sectorau dielw. Mae hyn wedi cynnwys uno sefydliadau, ailgynllunio sefydliadau, newidiadau i seilwaith digidol cenedlaethol a newidiadau i brosesau gweithredol. Fel Gweithiwr Proffesiynol Newid achrededig, mae ganddi angerdd dros newid sy'n canolbwyntio ar bobl, gan ymdrechu bob amser i fynd â phobl ar y daith tuag at y weledigaeth. Mae hi'n ymddiriedolwr elusen fach i blant ac elusen sy'n cefnogi menywod a theuluoedd sy'n ffoi rhag cam-drin domestig.