Rydym yn chwilio am optometryddion ac optegwyr dosbarthu i ymuno â’n Panel Ymwelwyr Addysg (EVP). Mae'r rôl yn ddelfrydol ar gyfer cofrestreion cwbl gymwys sy'n angerddol am sicrhau ansawdd addysg ac sydd â diddordeb mewn helpu i lunio dyfodol addysg optegol.
Mae'r EVP yn chwarae rhan allweddol wrth gyflawni gweithgareddau cymeradwyo a sicrhau ansawdd a gwella i sicrhau bod cymwysterau optegol yn bodloni ein gofynion addysg ac yn cynnal ein pwrpas craidd o amddiffyn y cyhoedd a chynnal safonau uchel.
Mae hwn yn amser cyffrous i ymuno â’n EVP wrth i’r sector weithredu set newydd o Ofynion Addysg a Hyfforddiant a fydd yn ein cynorthwyo i ddiogelu’r cyhoedd drwy sicrhau bod safonau addysg gweithwyr optegol proffesiynol yn y DU yn parhau i fod yn addas i’r diben.
Rydym yn chwilio am ymgeiswyr sy’n gallu dadansoddi a dehongli gwybodaeth a thystiolaeth gymhleth, gweithio gyda’i gilydd ac ystyried safbwyntiau a chyngor pobl eraill, a meddwl yn rhesymegol i gyflawni penderfyniadau diduedd sydd â sail gadarn iddynt, sy’n seiliedig ar dystiolaeth.
Bydd gofyn i banelwyr ar yr EVP ymrwymo i ystod o 10-18 diwrnod o waith y flwyddyn , fodd bynnag, gall hyn amrywio yn dibynnu ar lefel y gweithgareddau a drefnwyd. Byddwch yn derbyn ffi ddyddiol o £319 neu ffi fesul awr o £46 am yr holl waith a wneir fel panelwr EVP, a ffi ddyddiol o £223 neu ffi fesul awr o £32 wrth fynychu hyfforddiant .
Bydd gwaith o bell neu'n bersonol ar draws gwahanol leoliadau yn y DU.
Y dyddiad cau ar gyfer ceisiadau yw dydd Llun 8 Ebrill 2024 am 12pm.
Byddai profiad fel optegydd lensys cyffwrdd neu bresgripsiynydd annibynnol o fantais, ond nid yw’n hanfodol ac mae’r rôl yn agored i’n holl gofrestreion cwbl gymwys.
Gweler y disgrifiad swydd am ragor o fanylion am y rôl .
Os ydych, ar ôl darllen y disgrifiad swydd, yn credu bod gennych y cyfuniad o sgiliau, brwdfrydedd ac ymrwymiad sydd eu hangen ar y rôl hon ac yr hoffech eu defnyddio i helpu i lunio addysg optegol, anfonwch eich CV ynghyd â llythyr eglurhaol (dim mwy na dwy dudalen ) amlinellu sut yr ydych yn bodloni'r meini prawf hanfodol a dymunol a nodir yn y disgrifiad swydd.
Os oes gennych unrhyw gwestiynau, anfonwch e-bost at [email protected] .
