Cymorth pellach i gleifion

Efallai y bydd y sefydliadau canlynol mewn sefyllfa well i'ch helpu gyda'ch pryder. 

Gwasanaeth Cwynion Defnyddwyr Optegol (OCCS)

I gael cymorth gyda materion defnyddwyr, fel cael ad-daliad am sbectol ddiffygiol, cysylltwch â'r OCCS.

Awdurdod Safonau Hysbysebu

Gallwch gwyno am hysbysebu ffug neu gamarweiniol i'r Awdurdod Safonau Hysbysebu (ASA).

Bopeth

Os nad ydych chi'n siŵr at bwy i gwyno, neu os oes angen cyngor cyfreithiol arnoch chi, cysylltwch â Chyngor ar Bopeth.

Swyddfa'r Comisiynydd Gwybodaeth (IC0)

Os oes angen cyngor arnoch ar gael mynediad at eich cofnodion meddygol personol, cysylltwch â'r ICO.

Gweithredu yn erbyn Damweiniau Meddygol (AvMA)

Os ydych chi wedi cael eich niweidio o ganlyniad i driniaeth feddygol neu'n teimlo nad ydych chi wedi cael eich trin yn gywir, gall AvMA ddarparu cefnogaeth a chyngor ac o bosibl eich helpu i gael iawndal.

Cymorth i Ddioddefwyr

Os ydych chi wedi dioddef trosedd neu wedi cael eich effeithio gan drosedd a gyflawnwyd yn erbyn rhywun rydych chi'n ei adnabod, gall Cymorth i Ddioddefwyr ddarparu cymorth am ddim.

Cymru

Bwrdd Cynghorau Iechyd Cymuned yng Nghymru

Os ydych yn derbyn gwasanaethau'r GIG yng Nghymru, gall Bwrdd y Cynghorau Iechyd Cymuned roi cymorth preifat am ddim i chi os oes gennych broblem neu gŵyn.

Yr Alban

Os ydych yn derbyn gwasanaethau'r GIG yn yr Alban, gall eich bwrdd iechyd lleol roi cymorth preifat am ddim i chi os oes gennych broblem neu gŵyn.

Gogledd Iwerddon

Cyngor Cleifion a Chleientiaid

Os ydych chi'n derbyn gwasanaethau iechyd a gofal cymdeithasol yng Ngogledd Iwerddon, gall y Cyngor Cleifion a Chleientiaid helpu os ydych chi am wneud cwyn.