Sut rydym yn cymeradwyo rhaglenni newydd
Fel arfer mae'n cymryd rhwng 12 a 16 mis o'r adeg y cyflwynir cais Cam 1 i'r adeg y gallwch ddisgwyl derbyn canlyniad Cam 3. Ni all darparwyr recriwtio ar gyfer y cymhwyster nes bod canlyniad Cam 3, sy'n rhoi caniatâd i recriwtio ar gyfer y cymhwyster, wedi'i dderbyn. Rhoddir hyn gan ein Prif Weithredwr a Chofrestrydd. Rydym yn diffinio recriwtio ar gyfer y cymhwyster fel y pwynt y byddwch yn cofrestru myfyrwyr ar gyfer y cymhwyster.
Bydd yr amser y mae'n ei gymryd i'ch cais gyrraedd canlyniad cam 3 yn dibynnu ar sawl ffactor. Er enghraifft, a ydym wedi gofyn am ragor o wybodaeth gennych ar unrhyw adeg o fewn cam, a'r amser y mae'n ei gymryd i chi gyflwyno cam nesaf y broses ymgeisio ar ôl derbyn canlyniad yr olaf.
Rydym yn croesawu mynegiadau o ddiddordeb gan ddarparwyr sy'n ceisio sefydlu darpariaeth addysg optegol newydd sy'n arwain yn llawn neu'n rhannol at gymhwyster cofrestradwy mewn optometreg, dosbarthu offthalmig, rhagnodi therapiwtig neu opteg lensys cyswllt. Anogir darpar ddarparwyr yn gryf i gyflwyno mynegiant o ddiddordeb cyn gynted â phosibl cyn cyflwyno cais Cam 1. Bydd hyn yn ein galluogi i drefnu cyfarfod gyda darparwyr i gefnogi cynllunio llwyth gwaith a'n gallu i fodloni'r amserlenni a amlinellir uchod.
Dylai darparwyr addysg sy'n ceisio sefydlu cymhwyster addysg optegol newydd gysylltu â ni yn [email protected] .
Dylai'r mynegiant o ddiddordeb gynnwys, o leiaf:
- Enw'r darparwr;
- Teitl y cymhwyster arfaethedig;
- Enw(au) arweinydd y cymhwyster ac uwch reolwyr; a
- Y dyddiad cychwyn arfaethedig ar gyfer y cymhwyster.
O fis Mawrth 2021 ymlaen, rhaid i unrhyw gymwysterau optometreg a dosbarthu offthalmig newydd fodloni ein Gofynion newydd ar gyfer Cymwysterau Cymeradwy mewn Optometreg ac Opteg Dosbarthu .
O fis Ionawr 2022 ymlaen, rhaid i unrhyw gymwysterau newydd mewn cyflenwad ychwanegol (AS), rhagnodi atodol (SP) a rhagnodi annibynnol (IP) fodloni ein Gofynion addysg a hyfforddiant wedi'u diweddaru ar gyfer Cymwysterau Cymeradwy mewn Cyflenwad Ychwanegol (AS), Rhagnodi Atodol (SP) a/neu Ragnodi Annibynnol (IP) .
O fis Mawrth 2022 ymlaen, rhaid i unrhyw gymwysterau newydd ar gyfer optegwyr lensys cyswllt fodloni ein Gofynion wedi'u diweddaru ar gyfer Cymwysterau Cymeradwy ar gyfer Optegwyr Lensys Cyswllt .
Ffurflen gais
Gall pob darpar ddarparwr sy’n ceisio cymeradwyaeth GOC ar gyfer cymhwyster ddefnyddio’r ffurflen gais gyfunol, waeth beth fo’i arbenigedd: