GOC yn atal optometrydd o Helensburgh o'r gofrestr

Mae’r Cyngor Optegol Cyffredinol (GOC), rheolydd y DU ar gyfer optometryddion ac optegwyr dosbarthu, wedi penderfynu atal Andrew Maynard, optometrydd sydd wedi’i leoli yn Helensburgh, yr Alban o’i gofrestr am 12 mis.

Canfu un o Bwyllgorau Addasrwydd i Ymarfer y GOC fod ei addasrwydd i ymarfer wedi’i amharu ar sail diogelu’r cyhoedd. Mae hyn mewn perthynas â pheidio â chydymffurfio ag amodau ei gofrestriad.

Ym mis Tachwedd 2023, penderfynodd gwrandawiad sylweddol fod camymddwyn wedi amharu ar addasrwydd Mr Maynard i ymarfer. Roedd hyn yn ymwneud â methu â gwneud atgyfeiriadau brys, cadw cofnodion digonol o ymgynghoriadau, a chynnal archwiliadau ac asesiadau digonol. Gwnaed ei gofrestriad yn ddarostyngedig i amodau am 18 mis.

Dangosodd gwrandawiad adolygu sylweddol ym mis Medi 2024 na chydymffurfiwyd â’r amodau a osodwyd ar y cofrestrai a bod diffyg tystiolaeth o adferiad a mewnwelediad, sydd wedi arwain at orfodi ataliad.